ಕಿಟಿ ಕಿಟಿ ಕಿಟಿ ಕಿಟಿ ಕಿಟಿ ಕಿಟಿ ಮಳೆಯೆ
ಭರ ಭರ ಭರ ಭರ ಸುರಿಯೆ ನೀ ಮಳೆಯೆ
ಭೂಮಿಗೆ ನೀನು ನೀರನು ಸುರಿಸಿ
ಎಲ್ಲರ ಮನವನು ತಣಿಸು ನೀ ಮಳೆಯೆ.
ಗುಡುಗು ಸಿಡಿಲು ಕೋಲ್ಮಿಂಚನು ತಡೆದು
ಭರ ಭರ ಬೀಸುವ ಬಿರುಗಾಳಿಯ ತಡೆದು
ರಭಸದಿ ನೀರನು ಸುರಿಯೆ ನೀ ಮಳೆಯೆ.
ಪೈರನು ಬೆಳೆಸಿ ಧಾನ್ಯವ ನೀಡಿ
ಎಲ್ಲರಿಗು ನೀ ನೀರನು ಕುಡಿಸಿ
ಎಲ್ಲರ ಬದುಕಿಸಿ ಉಳಿಸು ನೀ ಮಳೆಯೆ.
ಎಲ್ಲೆಡೆಗೂ ನೀ ಹಸಿರನು ಬೆಳೆಸಿ
ಹಸುಗಳಿಗೆಲ್ಲ ಮೇವನು ತಿನಿಸಿ
ಸರ್ವ ಜೀವಿಗಳ ಉಳಿಸು ನೀ ಮಳೆಯೆ.
-ನಳಿನಾಕ್ಷಿ
No comments:
Post a Comment